كود احمد الطيب//
وافق سعيد حسبان، الرئيس ديال فريق الرجاء الرياضي، على تحويل الجمع العام العادي للرجاء إلى استثنائي، في 12 من أكتوبر المقبل، بعدما طالبوه المنخرطين بذلك.
حسبان أكد للجنة ديال المنخرطين لدار معاهم اجتماع اليوم أنه مستعد اكشي فحالو إلى كان شي رئيس قادر أنه اعون الرجاء وخرجها من الأزمة ديالها وعندو برنامج، ولكن ميكون غير بودريقة، لأنه معندوش الحق في الترشح للرئاسة بسبب أه معندوش لكارط، لرفض الرئيس الحالي اعطيها ليه.
وأوضح حسبان للمنخرطين لجتامعو بيه أن بودريقة داعيه المنخرطين، وداعيه حتى هو على قبل فلوس الفرقة باغي اعرفها فين مشات، ومني تصدر المحكمة الحكم ديالها ديك الساعة من حقو ارجع للرئاسة.
وتوجه الرئيس الرجاوي حسب التقرير ديال الجمع العام بالشكر إلى جميع المنخرطين لأن عندهم غيرة كبيرة على الفريق وباغين اخرجو الفرقة من الأزمة لعندها.
وطلب حسبان ادير اجتماع مع منخرطي الرجاء باش اناقش معاهم الوضعية ديال الفريق، خصوصا أنه دار مجهودات جبارة في الموسم الحالي باش اتجاوز الأزمة المالية ولعب على الألقاب.
