الرئيسية > آراء > تغريدات الحملة : مزوار ناشط و ماشط لاح فيديو ديالو و هو كايشطح و قالك راه ضامن 35 فلميا ديال الاصوات غي على الستيل ديالو ! وبلخياط هاز فاتحة للرجاء
25/08/2015 00:04 آراء

تغريدات الحملة : مزوار ناشط و ماشط لاح فيديو ديالو و هو كايشطح و قالك راه ضامن 35 فلميا ديال الاصوات غي على الستيل ديالو ! وبلخياط هاز فاتحة للرجاء

تغريدات الحملة : مزوار ناشط و ماشط لاح فيديو ديالو و هو كايشطح و قالك راه ضامن 35 فلميا ديال الاصوات غي على الستيل ديالو ! وبلخياط هاز فاتحة للرجاء

سهام البارودي كود /////
image
مزوار لاح واحد الفيديو ديالو و هو ناشط ! كايشطح مع راسو و كتب عليها rien qu’avec mon swag j’ai deja 35% des votes ! بشااااخ على swag ! هادا صلاح الدين مزوار و لا صلاح الدين فيفتي سانت؟؟؟ ! هاي هاي هاي و باش تاتعجبونا تاتوليو كلكم شباب فالحملة و كاتهضرو لغة الشباب ، منصف ولات سميتو “خونا منصف” ! مزوار ولا كايهضر لغة الشباب واخا هو الصراحة هاد الكلمة ديال swag راه غايفهموها غي وليدات كيليميني و الليسي ليوطي و ديكارت و فيكتوى هيكو ! الاغلبية الساحقة ديال ولاد الشعب راه ماعارفينهاش و بالتالي محال يفهمو الجملة ديال مزوار و لكن هانية المهم هو المشاركة غير باش يكون عندك swag راه خاصنا نشوفوك بشي baggy(سروال هابط ) و شي كايسكيطة ديال البيزبول و شي نضاضر ديال روابة الكبار و هادشي كامل ضروري معاه واحد الجوان كتامي باش يكتامل ال swag! حيت الswag بالقاميجة و السباط ماجاتش ! وا يالاه بينو لينا … والله ينعل لي مادار فبوه الضحك فهاد الحملة !

منصف بالخياط كايحاول يشري الصداقة مع ناس كازا و يمسح دوك الزلات لي دار هاد الايام و كايستاعن بجمهور الرجاء ! هز ليهم فاتحة فالتويتر كايداعا معاهم

الصراحة محاولة مزيانة لاستمالة جمهور الرجاء البيضاوي الرد ديال واحد الرجاوي كان مضحك قاليه دوي لينا مع لاربيط عافاك ! وا يالله ا السي منصف “خونا “بين لينا و بين لوليدات الرجا و دوي ليهم مع لاربيط في انتظار غدا يهز فاتحة للوداد تاهو !

موضوعات أخرى

28/03/2024 18:00

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي

28/03/2024 16:20

رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق