19/04/2024 21:08
دومي فينال المغرب وليبيا: عموتة المرشح لتدريب الوداد جا يشجع الأسود وموتسيبي غاب على غفلة ولقجع ديما حاضر لتشجيع المنتخب
سهام البارودي كود/////
مزوار محيح هاد ليامات فالتويتر، /واخا كالو لحساب ماشي ديالو ولكن هو خاصو يكذب هاد الشي/ كايجاوب على استفسارات المواطنين و لكن هاد المرة مشا بعيد و قفرها فاش سولو واحد المواطن ” شحال ديال الفلوس خاصينكم باش تححقو البرنامج الانتخابي ديالكم ؟”
الرد ديال مزوار كان اقل ما يمكن قوله عنه انه “سوريالي” هادشي لامابغيناش نقولو عليه انه رد عبيط ! هضر و لكن ماقال والو حيت جاوب السيد ” حنا مامحتاجينش فلوس باش نححقو البرنامج الانتخابي فاش كاتكون العزيمة ” بشاااااااخ ! مافراسناش براهيم الفقي مول مات و خلا الوريث الشرعي ديالو كايتسارا فالمغرب ! واش هذا صلاح الدين مزوار لي كان وزير المالية و لا كوتش ناهد رشاد لي كايجيبوها فقصة الناس باش تقنع واحد فيه توحيمة فوجهو انو بالعزيمة غايولي يشوف راسو زوين … بوكوص…
مزوار مول الفلوس و المالية و الميزان التجاري و العجز ! مزوار لي قرا الاقتصاد ففرانسا و فالمغرب و لي شد المنصب ديال وزير التجارة فعهد جطو ! و وزير المالية فعهد عباس الفاسي … مزوار لي نورمالمو اكثر واحد خاصو يكون عارف بحق الفلوس و الاهمية ديالهم فجعل البرنامج الانتخابي قابل للتحقيق و لالا … جاي ليوم كايقولينا الفلوس ماشي مهمين المهم هو العزيمة !كيفاش زعما واش المواطن المغربي ماشي من حقو يلقا اجوبة مقنعة و شافية
هادشي لاكان كايبين على شي حاجة فأنه كايبين انو البرنامج الانتخابي ديال الحزب كامل مبني على الاوهام! حيت مايمكنش توضع برنامج و نتا ماعارفش شحال خاصك د الفلوس و الوقت باش تحققو ! و الاهم من هادشي كلو منين غاتجيب دوك الفلوس؟
وا ماتفلاوش علينا الله يجازيكم بيخير يمكن الشعب ماقاريش الاقتصاد ف l’iscae و لكن راه الناس عارفة نهار كاتبغي تبني دويرة كاضرب الحساب لشحال ديال السيما و الياجور و الرملة غاتخصها باش تبني … ماتجيوش تنوما طنزو على الشعب ب”العزيمة” …
