كود كازا ////

طلب محمد بودريقة في تدوينة نشرها في الصفحة ديالو بموقع التواصل الاجتماعي فايسبوك، من منخرطي النادي عقد اجتماع طارئ الأربعاء المقبل، لتدارس وضعية الفريق.

تدوينة بودريقة لكيطلب فيها اجتماع طارئ سبقاتها تدوينة أخرى للرئيس الرجاوي السابق، كيقول فيها أن المهلة لعطاوها لحسبان باش افكر في التنحي على الرئاسة بعد جلسة التفاوض معاه، وطلب من كل المنخرطين والرؤساء السابقين اتحملو مسؤوليتهم ولقاو حل لهاد الوضعية ديال الفريق.

وناوي بودريقة في الاجتماع المقبل ديال المنخرطين اشكل لجنة تحضيرية جديدة باش دير جمع عام استثنائي باش اجريو فيه على حسبان، لأن اللجنة التحضيرية لكانت قدمات استقالتها وحتى واحد منهم مبغا ابقى في اللجنة خصوصا محمد صغرور، لكان غادي اتعرض لاعتداءات كبير من بعض الجماهير لباغا بودريقة ارجع للرجاء، بقاو كيتسناو قدام لوطيل مني كان الجمع العام الاستثنائي، وشبعوه سبان ومعيور والبوليس هو لفك منهم.

ومن بعد ما فشل الجمع العام الاستثنائي السابق والمعارضين ديال حسبان فشلو باش اجريو عليه دابا بودريقة كيقلب على طريقة أخرى باش اجري عليه، وباغي اترشح صحة واخا معندوش لكارط ديال الانخراط، وكلشي الرجاويين عارفين أنه هو سباب هاد المشاكل كاملة لفرجا.