كود يونس افطيط الحسيمة /////

بدات عملية الكر والفر بين المتظاهرين والقوات العمومية فالحسيمة هاد الوقت كيف عاينت “كود”. اول قنابل مسيلة للدموع ضربات. “كود” عاينت 3 طلقو باش يتفرقو المتظاهرين. جوج باين عليهم تصابو ولا تخنقو وتم توقيف بعض المحتجين. حتي شي بوليس تصابو

الصحافة فهاد الوضع طلبو منها ترجع اللاور. المثير ان الاحتجاجات اللي فيها اعمار مختلفة كتطفى فبلاصة كتخرج من بلاصة اخرى. حتى الصحافيين شمو هاد الغاز المسيل للدموع. البصلة هي الحل. محمد احداد صحافي المساء بالاضافة الى صحافيين بكل من هسبريس وناظور سيتي ووكالة الاناضول التركية شمو ما تيسر من الغاز

هادي هي الاوضاع الى حدود الخامسة والنصف من مساء يومه الخميس 20 يوليوز وسط الحسيمة. المناطق الاخرى والمدن المجاورة مازال ما وصلنا عليها والو،