كود: أنس العمري///

يمكن يسميوها عين الكرة الأرضية، ولا يسميوها عين لالة حياة ريجينسي، ما دام قريبة للوطيل اللي كيحمل هاد الاسم، في قلب مركز العاصمة الاقتصادية. المهم جاب الله عين لمجلس مدينة الدار البيضاء خاصو غير يجتمع باش يسميها ويعطي الترخيص لشي حد باش يستغلها ويبيع ماها فالقراعي لكازاوا، باش نيت يرخفو على الماء ديال ليديك، ويروجو الاقتصاد المحلي. ويقدرو كاع يردوها نافورة، يكفيهم غير يضورو بيها شوية ديال البصلانة وها هوما صدقو دايرين معلمة.

والواعرة فهاد الشي كلو الرباط كيجيها الما من الفوق، وكازا كيطلع ليها من لتحت.