كود : الحسيمة///

تحركات المخزن كتجيب غير الانعكاسات السلبية عليه، الطريقة لي كيتحرك بها من أجل وقف الحراك كتزيد تشعل العافية في ساكنة الحسيمة والنواحي، هادشي لي بينات مقاطع الفيديو على الاستقبالات الكبيرة التي يخص بها سكان مناطق الحسيمة نشطاء الحراك وعلى رأسهم ناصر الزفزافي الذي أصبح زعيما للحراك بشكل فعلي.

التحرك ديال والي الجهة الاخير لي ضغط فيه على منتخبين بتوقيع وثيقة ضد الحراك، خلا ناصر الزفزافي يدير جولة فيها إستقبالات بالورود واللافتات والحلويات على الساكنة باش يأديو قسم الحراك، وهو قسم هدفه إظهار التماسك وقوة الحراكيين.

بالاضافة إلى هادشي حتى المنتخبين لي وقعوا على وثيقة الدولة ناضو كيضربو فيها وكيتبرؤوا منها وكيقولوا أنهم وقعوها تحت الضغط.