الرئيسية > آش واقع > انفراد. ها علاش يستحيل يتحاسبو بعض الوزراء فالحكومة. وا ابن عرفة. كنشوف كلامك ما كنصدقكش وكنشوف فعلك كنقول باز. علاش كتضحك على لمغاربة وانت وزراء فحكومتك ما عندهمش اختصاص وحاگر لعيالات وكتهدر على الحسيمة: شهادات
29/06/2017 10:15 آش واقع

انفراد. ها علاش يستحيل يتحاسبو بعض الوزراء فالحكومة. وا ابن عرفة. كنشوف كلامك ما كنصدقكش وكنشوف فعلك كنقول باز. علاش كتضحك على لمغاربة وانت وزراء فحكومتك ما عندهمش اختصاص وحاگر لعيالات وكتهدر على الحسيمة: شهادات

انفراد. ها علاش يستحيل يتحاسبو بعض الوزراء فالحكومة. وا ابن عرفة. كنشوف كلامك ما كنصدقكش وكنشوف فعلك كنقول باز. علاش كتضحك على لمغاربة وانت وزراء فحكومتك ما عندهمش اختصاص وحاگر لعيالات وكتهدر على الحسيمة: شهادات

كود احمد الطيب وهناء ابو علي ////

هاد ابن عرفة العدالة والتنمية ما عندوش لوجه يحشم على عراضو. قال فهاداك التصريح الفضيحة باللي الحكومة “في حالة تعبئة شاملة لتنزيل هذه القرارات وتتبع تنفيذها على أحسن وجه”. هادي كذبة كبيرة وغادي نشرح ليكم علاش.

هاد الحكومة المعطوبة المعتوهة وصلات هادي تقريبا شهرين وشي براكة. ولحد الان وبسبب ضعف ابن عرفة وفشله في ادارتها ما قدرش يفرض علي الوزراء كلهم يخرجو اختصاصات كتاب الدولة اللي هما دستوريا وزراء عينهم الملك. ماشي غير هاد الشي “حتى المستشارين والفريق اللي جبناه مازال ما تخلصش” يحكي احدهم ل”كود”.

المصدر قال ل”كود” باللي الحكومة كتمشى غير بالوزراء اما كتاب الدولة فتقريبا 8 القطاعات غير زايدين. هاد الموضوع كانت طرقات ليه “كود”. كتاب الدولة خاصة النساء كيقولو انه باستثناءات قليلة فيها وزيرة من البي جي دي كلشي كتاب الدولة ما كيديرو والو. لا مكتب عندهم لا فريق عمل مخلص لا عارفين اش كيديرو” تشرح كاتبة دولة.

اللي مكرفص بزاف هما لعيالات “تقريبا كاع الوزيرات =كاتبات دولة= بلا مهام. هاد المهام خاصها تخرج فالجريدة الرسمية.

هاد الشي فيه جوجت الامور. ضعف ابن عرفة او فشلو باش يدبر هاد الموضوع ثم رفض وزراء منح اختصاصات لكتاب الدولة حقاش “حنا اللي كتنحاسبو”.

دابا باش يقول ابن عرفة “عقد اجتماع وزاري اليوم الأربعاء يجمع القطاعات الحكومية المعنية ببرنامج الحسيمة منارة المتوسط، بهدف مضاعفة العمل في الميدان واستدراك كل تأخر مسجل وضمان احترام الآجال الزمنية المقررة لتسليم المشاريع، إضافة إلى التداول بخصوص هذا الموضوع في مجلس الحكومة غدا الخميس”

وباش كيقول “أن الحكومة قررت أن يشمل العمل بهذا النهج الملكي أيضا المشاريع المقررة لمختلف الجهات والمناطق، والمبادرة إلى افتحاص مجموع البرامج المسجلة، والقيام بما يلزم لحل إشكالات التمويل أو العقار أو التنسيق بين القطاعات أو التتبع. وأعلن أنه طالب أعضاء الحكومة بإعداد تقرير مفصل حول وضعية هذه المشاريع ومستوى التقدم والإشكالات المطروحة والتواصل الفعال والقريب مع كافة المعنيين بهذه المشاريع على المستويات الجهوية والمحلية وإشراك الهيئات المنتخبة والمجتمع المدني في التتبع والتقييم” كيضحك علينا. كيفاش باغي تحاسب وزراء ما عندهمش مهام يا ابن عرفة

احد المعنيين بهاد الشي قال ل”كود” “دابا مزيان تكون لجان ونشوفو شكون يخدم وشكون ما كيخدمش ولكن قبل هاد الشي يعطيونا نخدمو اولا ولا باغيين يحاسبونا على اللي ما درناهش”. كاتبة دولة اخرى متشائمة بزاف قالت ل”كود” “ودابا ماشي غير ما كنخدموش وكيتحكمو فينا مدراء اقل تراتبية. مبهدلين بزاف وصافي”

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي