مقرب من رئيس مجلس النواب ل”گود”: التمثيل النسبي والدستور كيعطي الحق للاتحاد الاشتراكي لرئاسة لجنة العدل والتشريع
أعلن فصيل الوينرز التابع للوداد الرياضي أنه غادي امشي اشجع الفرقة ديالو في الماتش دبال الكوكب، وغادي ارجعو للتيران مع البداية ديال هاد العام.
واكدوا الوينرز أنهم غادي اساندو الوداد في الرحلة ديالو للمنافسة على كأس العرش، وتافقوا مع الجماهير على أنهم البسوا اللون الأحمر باش اشجعو الفريق ديالهم.
وكانو الوينرز مقاطعين الماتشات بحال باقي الالترات، ولكن هاد العام قرو ارجعوا للمدرجات باش اشجعوا الوداد وساندوا اللاعبين في الماتشات.
عودة الوينرز فيه تحدي لقرار وزارة الداخلية لقرات حل الالترات، ومنعات النقل الجماعي للماتشات من مدينة لمدينة، وهادشي اقدر اخلق مشاكل جديدة بين الجماهير ورجال الأمن في المباريات، خصوصا أن الداخلية مانعة على الجماهير اهزوا أي شعار أو لاقتة ديال أي الترا.