كود : هناء أبو علي ==

يظهر أن رئيسة الهاكا “أمينة لمريني”، ومديرها “محمد الناجي”، يالاه فاقو وفتحو باب الهيئة ديال السمعي البصري، وبعد ما تعرضه الإذاعات والقنوات المغربية من تجاوزات كثيرة يتم التغاضي عنها، قرر المجلس الاعلى للاتصال السمعي البصري أن يعمم توصية بخصوص الانتخابات.

الهاكا لي كانت مغمضة عينيها على فضايح المشعوذين لي كايدوزو فالاذاعات الخاصة، بزيادة إشهارات كاتنتقص من قيمة المرأة، والعديد من الفضائح لي كايدوزو من دون أن يستقظ مجلس الحكماء والرئيسة والمدير، ناضت تهضر على الانتخابات، وتنبه الاعلام السمعي البصري آش خاصو يدير، وهادشي علاش؟ قاليك باش يقدموا معلومة مفيدة للمتلقي وغير مضللة، ولكن يلا رجعنا شوية اللور غادي نعرفو أن تغماض العينين على باطرونات الاذاعات الخاصة كيساهم فيها مقالات المدح الكثيرة لي كيتلقاها ـ المغربي الكندي ـ محمد الناجي لي كايشغل منصب مدير المجلس.