كود أحمد الطيب///

جرى فريق النصر السعودي على المغربي عبد الغني فهمي خو الرجاوي عبد الإله فهمي، وكان كيشغل منصب مدرب حراس في الفريق السعودي، ولكن عدم تطور المستوى ديال الحراس ديال النصر قلق المسؤولين ودفعهم باش اجريو عليه.

وواخا النصر كان جرى على المدرب لجاب فهمي، وخلاوه اخدم معاهم باش ادرب الحراس ديال الفريق، ولكن مني مقدم ليهم حتى اضافة جراو عليه، باش اجيبو واحد آخر اتكلف ليهم بتدريب الحراس.

والنصر كاين فيها جوج لاعبين مغاربة هما سعد لكرول مشا إعارة لسنة وحدة صافي، ومحمد فوزير لمشا بصفة نهائية وعندو عقد ثلاث سنوات مع النصر.

وكيفكر النصر بعدما جراو على فهمي اجريو حتى سعد لكرو، لأنه بان بمستوى ضعيف، وحتى هو مقدرش اضمن الرسمية ديالو وبين أنه لاعب مزيان، وداكشي على النصر مشاو جابوا مدافع أيسر واحد آخر باش العبوه.

الفريق كان عندو مشكل مع محمد فوزير، لحلف ميلعب معاهم قبل مياخد فلوسو، ومني جا للمغرب بقا هنا حتى اوجدو ليهم فلوسو، وداكشي علاش النصر تزيرو وقلبو لفوزير على 300 مليون عطاوها ليه، عاد مشى البارح باش ابدا ادرب مع الفرق ولعب الماتشات الرسمية.