الوكيل العام ففاس قرر تمديد فترة الحراسة النظرية فحق الشبكة اللي كيتزعها سوري ونصبات على بنات ففاس لاستغلالهن فالدعارة
محمد سقراط كود ////
محمد السادس ملك كل المغاربة بكل أطيافهم ، غي هو مؤخرا كاينة منافسة شديدة عليه بين أطياف الشعب كل واحد باغي يعتابرو ملك كيمثلوا هو كثر من لخريين ، وآخر الملتحقين بالركب هوما الحداثيين المغاربة ( من غير محمد سبيلا)، لي ولاو كيديرو قرائات مابعد حداثية لصور الملك لي كتوصل سواء عبر سفيان البحري أو عبر منابر أخرى ( الصور لي كتوصل عبر منابر أخرى أكثر حداثة على ما يبدو حسب البعض)/ ومن خلال هاد القرائات والإحتفاء بالملك الحداثي المتنور ، كيبداو ينتاقدو هادوك لي قالو العكس ، علما أن تاحد متجرأ ايقول شي حاجة ، وهنا كنشوفوا أن حداثيو المواقع الإفتراضية ولاو كيعيشوا بنقد الآخر الأخرس ، لي متسمنعش ليه الحس أصلا ، ومع ذلك حداثيونا ردو على آش قال الآخر فنفسو بينو وبين راسو .
وعلى خلاف الصور التي يعرضها سفيان البحري في صفحته والتي أصبحت نوعا ما كليشي وغير مثيرة للجدل ، أثارت صورة الملك والتي التقطت من مصدر آخر الكثير من اللغط حولها والذي كان عبارة عن احتفاء ورد على المتشددين القادوسيين ، وهادشي كيبين أن الصور الملتقطة للملك والتي مصدرها غير سفيان البحري أكثر قيمة وتعبير وتلاقي صدى أكثر من الصور لي جايا من عند سفيان والمرفوقة بقصص ركيكة ، تلك القصص التي تفقد الصورة عفويتها وجمالها وتعابيرها وسيميولوجيتها ، وكتولي بحال شي قصة من قصص بلاطات الملوك فالقرون الفايتة .
محمد سادس ملك الحداثيين والفقراء وأمير المؤمنين بجميع الديانات ، وهاد التجاذب لي دايرينو هاد الطوائف بحال محاولة منهم للإستقواء بالملك ضد الآخرين ، بينما هو ملك حتى الآخرين ، والى ليوم الملك كيتبحر فشواطئ ميامي الشهر الجاي غادي يحضر للدروس الحسنية ، ويفرق المساعدات الرمضانية على المعوزين ، ومن بعد غادي نشوفوه كيتبحر فشي بلاصة عاوتاني هو والأسرة ديالو ، وهكذا ذواليك ، يعني بلا ميحاول كل طرف يردو ملك كيميل لجيهتو على حساب الطرف الآخر ، حيث فاللخر راه ملكنا كاملين .