ماعرفت فين غاديين بهاد الكلاخ فهاد البلاد.. بطلة فيديو النسخة المغربية من برنامج “blind dating by outfits” تمنعات من السفر خارج المغرب
كـود : عمـر المزيـن//
تصعيد خايب بزااف داخل فريق المغرب الرياضي الفاسي وفضايح الماص غادي توصل حتى للقضاء. فقد أكد الكاتب العام للفريق، رضا الزعيم، في تصريح لـ”كود”، أنه سيتقدم اليوم الأربعاء (20 يوليوز 2016)، بشكاية مباشرة أمام وكيل الملك لدى المحكمة الابتدائية بالمدينة، ضد رئيس الفريق أحمد المرنيسي، متهما إياه بـ”التزوير”.
الرجل القوي داخل الماص، كشف لـ”كود” قائلاً: “عندي دليل قاطع باش نسيفط المرنيسي للحبس وغادي نتقدم بشكاية اليوم لوكيل الملك حيتاش المرنيسي أكبر مزور كاين فلمدينة حيتاش مشا زوّر التوقيع ديالي ومشا سكناه وارسلو للمنخرطين ديال الماص باش يحضرو معاه للجمع العام اللي اطلع فيه رئيس البارح”.
وأضاف الزعيم لـ”كود”: والي جهة فاس مكناس والعمدة ورئيس الجهة غادي يسقبلو اليوم الرئيس أحمد المرنيسي وأنا كنقولهوم يلا استقبلتوه راكوم ماشي رجال وراكوم متواطئين معاه حيتاش المرنيسي هو اللي اخرج على الفرقة بأكملها وخاص رئيس الجامعة فوزي لقجع براسو يتدخل بشكل مستعجل ويتخذ قرار نهائي في حقه حيتاش هاد سي المرنيسي عندو مصالح داخل الماص مدام أنه مزال لاصق”.
أكثر من ذلك، كشف الزعيم لـ”كود” عن ديور كبيرة بزاف متراكمة على الفريق، وأهمها 27 مليون درهم اللي كتسالها مديرية دار الضرائب وزيد وزيد، مؤكدا أنه لم يوقع على أي مراسلة بخصوص الجمع العام الذي انعقد بإحدى الوحدات الفندقية وانتخب فيه أحمد المرنيسي رئيسا للفريق.