ملف الطبيب التازي : مرافعة الوكيل العام تقول ان جناية الاتجار بالبشر كينا
كود احمد الطيب ///
من المتوقع ان يحل مصطفى الخلفي براح حكومة ابن عرفة هاد العشية على برنامج عبد الله ترابي على “دوزيم”. السيد جاي باش يدوز رسائل الحكومة الجديدة بخصوص الاحتجاج فالحسيمة. الحكومة اللي دارت خطآ كبير بزاف بزاف باش خرجو مكونات الاغلبية واتاهمو المحتجين بالانفصال وب وب وب وب مباشرة بعد لقائهم بوزير الداخلية عبد الوافي لفتيت٬ هاديك التصريحات ديالهم بها وقعات مسيرة الاحد الجماهيرية فالريف.
دابا باغية الحكومة ديال بنعرفة اللي تبنات على الخيانات من الاول. خيانة بنكيران وعقد صفقات من ورائه والتضحية به٬ دابا عطاوها تعليمات اخرى.
براح حكومة ابن عرفة اللي ضحى بولي نعمتو السياسية غادي يقول للمغاربة “الاحتجاج حق مشروع” شريطة عدم المس بالممتلكات. وباللي الدولة عندها وسائط للتواصل مع الساكنة وايجاد حلول لمطالبهم
ناصر الزفزافي كان قال امس في فيديو بثه على الفايس بان السكان مستعدين يفكو الاحتجاجات اذا ما تحققت مطالبهم الاجتماعية والاقتصادية والثقافية والغاء ظهير العسكرة
في الفيديو نفسه هاجم الوالي اليعقوبي واتهمه باتهامات خطيرة دون ان ينسى ادريس لشكر اللي بغى يركب على احداث الحسيمة وينسي المغاربة تصريحه بعد الاجتماع الغريب بوزير الداخلية