واش هادشي غايأثر على شراكة اسبانيا والمغرب والبرتغال فمونديال 2030.. الحكومة فالصبليون دارت الوصاية على الاتحاد الإسباني بسبب الفساد وخايفين من خرق لقوانين الفيفا
كود الحسيمة /////
عبد الاله تهاني اللي صفتو الرسمية مدير الاعلام والعلاقات العامة في وزارة الاتصال واللي كيعتابر راسو اذكى من الوزير الجديد الحركي الاعرج وكيقولها لكاع اللي كيعرفهم السيمانا اللي فاتت خلى خدمتو ودار الخدمة الحقيقية اللي كيموت عليها. هي تصنيف المواقع. قبل كان كيوزع صكوك الوطنية. هادا موقع اخباري وطني وهادا ماشي وطني. مع “كود” صنفها موقع “بورنوغرافي”. ماشي مشكل يا سيدي عبد الاله تهاني. حنا ما عندنا مشكل تصنفنا اللي بغيتي. حقاش ما عندنا مشكل مع الجسد وقلناها فاليوم الاول. المشكلة فيك انت. مادام درتي التصنيف حتى انت خبير فبورنو. خبير بزاف. غير السؤال وقتاش كتشوف هاد الافلام اللي عندك فيها خبرة بزاف واش فالخدمة ولا فالدار ولا وقت التراويح
تهاني المتخصص فالتبركيك لسيادو وكتابة التقارير الوضيعة عن الصحف والصحافيين كيقول راه متكي بشخصية مهمة بزاف. شكون هاد الشخصية؟ هي عبد الحق لمريني الناطق الرسمي باسم القصر الملكي. دابا هاد السيد اللي عندو ماضي زوين فمراكش مع شركتين الاولى للحليب والثانية لتوزيع الصحف٬ كيخلع الناس بواحد ما كيخلع حد.
واش عرفتو علاش فالمغرب مشاكل. حقاش بحال هاد تهاني بقى فبلاصتو دهرا ومقابل غير التبركيك والتقارير عوض الخدمة. حب الوطن والبلاد ما محتاجاش لهاد العينة