واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة
كريس كولمان ما ماتش. خرج كيخرج وثائق كان قرصنهم ونشرهم ايام الازمة المغربية الفرنسية. بعد عودة المغرب الى الاتحاد الافريقي السيد خرج وبدا ينشر وثائق.
الوثيقة الاولى كانت فوطوكوبي ديال جواز السفر الديبلوماسي اللي عند فتيحة طاهري الجوطي زوجة الطيب الفاسي الفهري. هاد الجواز قديم باش كان راجلها وزير الخارجية. هاد الرسامة اللي يالله دارت شي معرض فكازا وحضروه علية القوم كانت سببا في طرد سفير المغرب في روما السابق الوزير الحالي محمد نبيل بنعبد الله بعد ما ضاربات مع مراتو فالبندقية.
هاد الشي اللي خرجو ما فيه حتى شي حاجة غير قانونية. من حق زوجة وزير الخارجية يكون عندها جواز سفر ديبلوماسي غير اللي هو غريب كيفاش هاد النسخة تقرصنات ووصلات لكولمان بحالها بحال الاف الوثائق. دابا ما عمر الدولة او الخارجية ولادجيد قالو للمغاربة علاش وقع هاد الشي وشكون المسؤول
كولمان بدا ينشر شي صور قديمة ولكن غير باش يكون راني مازال عايش. واش غادي يخرج شي حاجة جديدة ولا غير امور معروفة.
نتسناو ونشوفو