كود الرباط ///
لم يسلم مزوار من لسعات عبد الاله بنكيران يوم امس السبت في لقاء بالرباط مع شبيبة حزبه. بنكيران حشى الهدرة للوزير الفعفاع “كال =في حديثه عن الياس العماري عشية انتخابه امينا عاما ل”البام” باللي جا يحارب الاسلاميين لصالح المسلمين وما شفتوش. لحد الان شفت غير السي مزوار، شفت الحرب ما جاتش منو شفت السي مزوار خرج خرجة غير منتظرة وشفت البلطجة فمجلس الرباط.

زاد وحشى الهدرة عندما قال “ما كنشكش فوزرائي ولكن منين نسمع لكلام اللي كتباتو “جون افريك” =على الياس العماري الامين العام للاصالة والمعاصرة= وقالت فيه انه يتردد عليه الوزراء ورؤساء المؤسسات العمومية والشخصيات المهمة” كتكول كيفاش.

وعاد ليبهدل مزوار “سولو الحكومة كاملة. السي صلاح الدين مزوار باش اجتمعنا فبيت رئيس الحكومة بحي الاميرات تكلم عن انجازات الحكومة وقال يحق للحكومة ان يفتخر وان ترفع رأسها ولكن بين عشية وضحاها ثم خرج يقول عكس ذلك. وقال ما نجحنا فوالو. الله اودي اصلاح الدين دا كلام”. وزاد شد فيه “السياسة يكون الواحد مضغوط مفهوم ولكن خاصو يعرف يقاوم”.

وقال ان حزبه لم تكن له مشاكل يوما مع حزب التجمع الوطني للاحرار. وانها تعكرت مع تصريح قبل انتخابات 2011 لصلاح الدين مزوار وتقرر فتح صفحة جديدة ثم وصف الخرجة الاخيرة باللي ما مفهوماش “هاد الخرجة الاخيرة يعني ما مفهوماش ولا كانت مفهومة فداك الشي راه خايب بزاف على الاقل الناس دياولو ما كانش فراسهم اللي كالو”.