نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري
ادارة تحرير “كود” ////
في محاولة لتطوير جريدتكم “كود” وتقويتها تم اخيرا دخول مساهم جديد يتعلق الامر برجل الاعمال كريم بناني. اللي راكم خبرة كبيرة فعالم المال والاشهار ولكن ماشي هاد الشي اللي مهم الاساسي انه “كودي الهوى”. هاد القرار دار بعد صعوبات كثيرة واجهت المؤسسة. صعوبات حالت دون ان تتطور ان تغطي على كل نقاط الضعف التي تعانيها خاصة بعض الاقسام بالاضافة الى انشاء “ويب تي في”. كانت عروض وكان تفكير واختارت “كود” باش تتطور وتحافظ على كيانها على لغتها على روحها على حريتها مع بناني.
“كود” ستظل وفية كيما عاهدتوها بخبارات “كود” تنقل “اش واقع” فالمغرب “بلا زواق” وطبعا بالدارجة. ديما محايدين الا فيما يتعلق بدفاعنا عن الحريات بكل اشكالها خاصة الفردية. ما غادينش نتلقاونا شي نهار ضد حزب او مع حزب. طبعا شي احزاب كنامنو باللي بحال بومزوي للديموقراطية ما غادينش نكونو معاهم محايدين. الفريق اللي خدام دابا ما غادي يبقى كيفما عرفتوه
انتوما يا قراء كود اللي صنعوها وغاديين نبقاو اوفياء للي كتعرفونا عليه. لهاد السبب بغينا نخبروكم انتوما اللولين وتكونو اول من يعرف. ما تقراوهاش حد شي حد حقاش كنآمنو باللي كود ما يمكنش تستمر نهار واحد بلا بيكم ولهاد السبب تم ادخال مساهم مؤمن بالمشروع وقادر يطورو “كود”