كود الرباط ايس برس /////
استغرب مصدر من الجامعة الملكية لكرة القدم في تصريح ل”كود” من مراسلة طارق السباعي عن هيئة المال العام الى ادريس جطو باطرون المجلس الاعلى للحسابات يطالبه فيها بفتح تحقيق في صرف 85 مليار كميزانية للجامعة من فاتح يناير 2014 الى اليوم، مصدر “كود” قال قبل ما يهدر حتى شي حد خاصو يعرف اش كيكول. اول حاجة على مستوى الحكامة٬ يقول مصدر “كود”٬ انه في الرياضة الجمعيات العمومية هي من يتخد القرارات. يعني ان الجمع العام للجامعة الملكية لكرة القدم صادقت على التقريرين المالي والاداري. مصدر “كود” قال “ايلى بغينا الديموقراطية راها هي هادي” مصدر “كود” اكد ان شركة المحاسبة والمراقبة “كا بي ام جي” المعروفة بصرامتها اشرت على التقرير المالي بدون تحفظ “واش كاين شي عاقل غادي يكون باللي هاد الشركة تصادق بدون تحفظ ويكون شي مشكل” يضيف مصدر “كود”.

مصدر “كود” الجامعي تحدث عن نقطة اخرى “دابا كيكولو المال العام. اولا المال العام فهاد الميزانية يالله كيمثل ما تقدمه وزارة الشبيبة والرياضة وهي 800 مليون والباقي راه ماشي مال عام راه مستشهرين كبار بحال اتصالات المغرب والتلفزيون وبنك المغرب والمكتب الشريف للفوسفاط وسيدي علي…… كلهم كيعطيو لفلوس بمقابل ان الجامعة من خلال مباريات المنتخبات والاندية تسوق منتجاتهم يعني البيع والشرا. واخا هاكا راه ميزانية الجامعة عندها صرامة كبيرة”. يختم مصدر “كود”.

المصدر الجامعي استغرب ان يتم الحديث عن مواضيع مثل هذه والجامعة يرأسها ليس فقط مدير الميزانية في وزارة المالية بل رئيس جمعية مفتشي المالية اي اللي كيديرو كل الافتحاصات. مصدر “كود” قال ان وراء ما يقال محاولات البعض اللي تمس ليهم مصالحهم.

وضرب مصدر “كود” مثالا بما تمنحه الجامعة للاندية وللمنتخبات “اللي بغى يعرف كل درهم فين كيمشي راه كلشي موجود. كل اعضاء المكتب الجامعي عارفينو” “الفرق خدات 35 مليار والمنتخبات بكل انواعها شي 20 مليار، عاد زيد عليها مصاريف كلها وكلشي واضح وباين ”