واش اسرائيل ردات على ايران؟. مسؤولوها اكدو هاد الشي لصحف امريكية واعلام الملالي هدر على تصدي الهجوم ولكن لا تأكيد رسمي
الشيخ المثير للجدل أبو النعيم لي معروف بالخرجات ديالو التكفيرية و الإقصائية ضد كل من يخالفه الرأي. دار لايف عبر الفايسبوك يوم الثلاتاء على الساعة العاشرة و النصف تحت عنوان ” من هذا الزنديق الذي يعلن الحرب على الجبار” في رد على الأحداث الأخيرة ديال منع خياطة و تجارة البرقع من طرف وزارة الداخلية.
الشيخ فهاد اللايف سخن عليه راسو اكثر من القياس و عتابر أنه أي واحد وراء هذا القرار هو خائن ماسوني زنديق كافر ! و زاد كملها و جملها قالك لي “باشا باشا على راسو و لي عامل عامل على راسو” في واحد التنكر تام للدور المهم ديال أطر الإدارة الترابية في حفظ الأمن و الاستقرار.
و فالأخير اعلن التحدي ديالو للقرار ديال وزارة الداخلية و قالك هوا مستعد يبيع النقاب فدارو ! و قال للناس عطيوني النقاب أنا نبيعو فداري !
ايوا يا الله ! زيدو معاه تاهذا !و الناس لي تابعينو كايصفقو ليه
…
باش باغين يوصلو ؟
و آش هاد الضسارة الكبيرة لي عايشين فيها؟